Холандија немоќна во финалето: Италија ја одбрани титулата во Дејвис Купот

24 ноември 2024 - 19:33

Матео Беретини го најави триумфот, а Јаник Синер го потврди големиот успех во финалето на Дејвис Купот, каде што репрезентацијата на Италија славеше против селекцијата на Холандија.

Беретини го освои првиот поен за Италија, откако славеше со 2-0 во сетови, односно 6-4 и 6-2 против Ван Де Зандшлуп.

Синер имаше малку потешка задача против Грикспор, но го скрши Холанѓанецот во првиот сет со 7-2 во тај-брејкот, додека во вториот сет беше подобар со 6-2.