Ѓорческа поразена на стартот од турнирот во Мурска Собота

Во првото коло, таа е совладана од Манон Ленард од Франција со 1-2 (7-6, 5-7, 2-6) за безмалку три часа борба. Мечот го одбележаа големиот број брејкови, во првиот и третиот имаше по четири, а во вториот дури девет што значи дека од вкупно 32 гема (без тај-брејкот во првиот сет), повеќе од половина (17) тенисерките освоија на сервис на противничката.

Ѓорческа и во такви услови добро се држеше, но не го издржа темпото и доживеа голем пад во играта во третиот сет што противничката знаеше да искористи и да дојде до победата.