Ѓорческа неочекувано остана без полуфинале на фјучерсот во Анталија!

10 февруари 2024 - 11:13

Најдобрата македонска тенисерка, Лина Ѓорческа, не успеа да се пласира меѓу четирите најдобри на турнирот од фјучерс-серијата во Анталија, откако претпладнево, по голема борба, загуби од хрватската тенисерка, Тара Вурт (3-6, 6-4, 1-6).

Македонката влезе како фаворит за победа со оглед на улогата на трет носител, но и поради фактот што има речиси двојно подобар пласман на ВТА листата од противничката. Мечот вчера беше прекинат поради дожд по водство на Вурт со 1-0 во сетови, а Лина утринава почна одлично и со добра игра го изедначи резултатот. И, кога се очекуваше да продолжи во ист стил, таа како да застана, што противничката од Хрватска го искористи и убедливо го доби решавачкиот дел од средбата и тоа со шест освоени гемови во низа.

Двете тенисерки имаа максимална реализација на брејк-топките, кои за жал беа помалку на страната на Ѓорческа која имаше 2/2, додека Вурт заврши со 5/5 на решавачките поени за одземање на сервисот на Македонската. Ѓорческа од понеделник ја очекува нов настап на ИТФ фјучрс-турнир исто така во Анталија.