Ѓорческа го предаде мечот кога беше пред победа, елиминирана и Стоилковска

Ѓорческа по 103 минути игра беше принудена да го предаде дуелот против Дарија Комуцианскаја поради повреда и тоа при водство во одлучувачкиот трет сет. Откако двете тенисерки освоија по еден од првите два сета, Ѓорческа водеше со 4-1 во третиот, кога мораше да се повлече од натпреварувањето.

Најдобрата македонска тенисерка одлично го отвори мечот со предност од 3-0 и таа предноста од три гема ја одржуваше до крајот на сетот кој го свои со 6-3. Во вториот Белорусинката возврати на ист начин и со 6-3 израмни на 1-1.

Во мечот на Магдалена Стоилковска, која се сретна со седмата носителка на турнирот, Чагла Бујукакчај од Турција имаше помалку неизвесност. Искусната Турчинка славеше со 2-0 во сетови, со резултати 6:1 и 6:4. Во вториот сет, Стоилковска покажа борбеност и поведе со 3:1 и 4:3, но не успеа да го задржи темпото, дозволувајќи и на противничката да направи пресврт и да го добие мечот.