Ѓоковиќ се искачи на второ место на АТП-листата, Надал му бега само 215 поени!

15 октомври 2018 - 10:40

Најдобриот српски тенисер Новак Ѓоковиќ успеа да го освои трофејот на Мастерсот во Шангај, па така од денеска се наоѓа на втората позиција на АТП-листата.

Ѓоковиќ сега има 215 поени помалку од првопласираниот Рафаел Надал, а Роџер Федерер падна на третото место и има 1485 поени помалку од српскиот тенисер.

Хуан Мартин Дел Потро е на четвртата позиција, а петти е Алексадер Зверев додека Марин Чилиќ се наоѓа на шестото место.

Во топ 10 се наоѓаат уште и Доминик Тим, Кевин Андерсон, Григор Димитров и Џон Иснер.