Ѓоковиќ освои спектакуларен поен речиси буквално од – трибините (ВИДЕО)

31 мај 2025 - 22:09

Најдобриот тенисер на сите времиња, Новак Ѓоковиќ, приреди незаборавен момент на мечот од третото коло на „Ролан Гарос“ против Австриецот со хрватско потекло, Филип Мишолиќ, освојувајќи спектакуларен поен што ја крена публиката на нозе.

Србинот во првиот сет, при водство од 3-2 и брејк-топка,истрча до оградата на стадионот „Филип Шатрије“ за да ја врати лоптата и да го освои поенот. Со неверојатна борбеност и упорност, тој го изненади Мишолиќ, кој не очекуваше ваков одговор од српскиот тенисер. Публиката во Париз беше воодушевена, а многумина нема да жалат што го следеа мечот на Ѓоковиќ, наместо финалето од Лигата на шампиони помеѓу ПСЖ и Интер.

Популарниот Ноле ги доби првите два сета, а победникот од овој меч ќе се соочи со Британецот Камерон Нори во четвртото коло во понеделник.