Ѓоковиќ го дочека 37. роденден на првото место на АТП листата

22 мај 2024 - 09:43

Најдобриот светски тенисер Новак Ѓоковиќ денеска полни 37 години и е прв во историјата на тенисот кој овој роденден го дочекува како првопласиран на АТП листата.

Најчесто, своите родендени тој ги дочекувал во Париз, на подготовките за „Ролан Гарос“, а овој ќе го прослави во Женева и тоа на терен бидејќи денеска од 18 часот игра на турнирот од серијата 250, против Ханфман од Германија.

На 37-годишна возраст, Ѓоковиќ е рекордер по бројот на Гренд слем трофеи (24), по бројот на поминати недели на првото место (426), највозрасен лидер на АТП листата итн.