Чориќ треба уште да учи: Ѓоковиќ по четврти пат го освои Шангај

14 октомври 2018 - 12:35

Новак Ѓоковиќ го освои мастерс турнирот во Шангај откако во финалето го совлада Борна Чориќ со 6-3 и 6-4. 

За српскиот тенисер ова е вкупно 32-та титула во кариерата на турнирот од мастерс серијата и вкупно четврта во Шангај, каде претходно славеше во 2012, 2013 и 2015 година.

Ѓоковиќ од утре ќе се искачи на второто место на АТП ранг-листата и ќе го мине Роџер Федерер. На првото место останува Рафаел Надал, кој има само 32 АТП-поени повеќе од Србинот.