Алкараз самоуверен пред финалето: Ќе приредам спектакл и ќе го освојам златото

Негов противник ќе биде последниот претставник од „старата гарда“ Новак Ѓоковиќ, меѓутоа уште пред да стане јасно дека ќе игра со него, Алкараз даде исклучително самоуверена изјава. В недела тој очекува повторување на изданието од финалето на Вимблдон и освојување на златниот медал.

„На Шпанците кои ме следат преку телевизиските екрани, кажете им дека ќе им приредам спектакл во финалето и ќе им го дадам она што го сакаат - златото“, порача Алкараз.

Минатиот месец на Вимблдон тој си поигра со Ѓоковиќ и јасно е дека во моментов се наоѓа во подобра форма од Србинот. Сепак, финалето в недела е последна шанса за Ноле да дојде до злато на Олимписките игри и далеку од тоа дека Алкараз ќе има лесна задача.