„Алкараз мора да научи дека сезоната трае од јануари до ноември“

19 ноември 2023 - 14:23

Карлос Алкараз до средината на јули успеа да освои шест титули, а една од најважните му беше на Вимблдон, но потоа следеше голем пад во неговата форма.

Тренерот на Алкараз, Хуан Карлос Фереро има објаснување за лошите резултати на младиот Шпанецот.

„Мора да научи дека сезоната трае од јануари до ноември. Ја бранеше титулата во Њујорк, имаше големи очекувања, а испадна во полуфиналето. Плати голема цена за овој неуспех. Постојано се обидуваше да се врати, но не му успеа“, кажа тренерот на Алкараз.