Тајгер Вудс успешно опериран по стравичната несреќа - го чека долга рехабилитација!
Тој излетал од патот, по што американските медиуми јавија дека има скршеници на екстремитетите, а веднаш по пристигнувањето во болница беше објавено дека е надвор од животна опасност.
„Тајгер имаше тешки повреди на долните екстремитети, кои се санирани со итна интервенција. Отворените повреди се стабилизирани, а исто така и дополнителните повреди на стапалото се стабилизирани. Траумата на мускулите и другите делови на ногата бараат дополнителна нега и по оперативниот зафат“, стои во соопштението на неговиот официјален профил на Твитер.
Тоа значи дека пред Вудс е долг период на рехабилитација и најверојатно крај на неговата голферска кариера, со оглед што веќе има 45 години.