Домрачева ја однесе Белорусија до златен медал!

22 февруари 2018 - 15:00

Белорусија освои златен медал во бијатлонска дисциплина на четири по шест километри на Зимските олимписки игри во Пјонгчанг.

Тимот во состав со Скардино, Кријуко, Алимбекава и Домрачева победи со време од 1:12:03,4, а посебно импресивна беше Домрачева, која е најзаслужна за златниот медал.

Второто место го освоија Швеѓанките, поточно Перон, Брорсон, Магнусон и Еберг, а имаа заостанување од 10,7 секунди додека бронзениот медал го освои Франција, која во составот ги имаше Шевалија, Дорин Абер, Браисаз и Бесконд со 17,6 секунди заостанување зад шампионките.