Олимписката бронза на градите на американските одбојкари

09 август 2024 - 19:56

Машката одбојкарска репрезентација на САД го освои бронзениот медал на Олимписките игри во Париз откако во мечот за третото место ја совлада Италија со 3-0 (25-23, 30-28, 26-24).

Од резултатот по сетови може да се забележи колку беше интересен и неизвесен натпревар и дека малку недостасуваше Италија да се радува на крајот. Арон Расел со 15 поени ги предводеше Американците, Дефалко додаде 12, додека Микелето и Романо со по 17 поени беа најдобри во италијанската репрезентација.

Ова е трета бронза за Американците на Олимписките игри по 1992 и 2016 година. Во мечот за титулата на Олимписките игри ќе се сретнат Франција и Полска.