Ако се кадарни за чудо - сега му е мајката: Одбојкарите во јуриш против Турција!

Иако во мечот против Финска покажавме слабост во одбраната, конкретн слабиот блок, сепак избраниците на селекторот Никола Матијашевиќ ќе се обидат да ги коригираат грешките и да запишат историска победа.

„Во следниот меч со сите сили одиме по победа против Турција, па дури и да играме полошо за око“, кажа средниот блокер Александар Љафтов по вчерашниот меч.

За разлика од Финска, со која првпат се соочуивме, веќе имаме одиграно два меча против Турција и тоа пред пет години во Европската лига, кога двапати славевме. Еднаш резултатот беше 3-0 во сетови за Македонија, додека во вториот меч нашите одбојкари триумфираа со 3-1, па сега се надеваат на хет-трик, односно ново славје против Турците.

Сепак, на тие средби Турците не беа во најдобриот состав, како што се на ова СП, со амбиции за влез во нокаут-фазата. Почнаа со пораз со 1-3, но загубените бодови со Русија од напред им се вкалкулирани на неколку селекции од нашата група.

Финците важеа за 11-та европска сила, според рангирањето на ЦЕВ, а Турција е четири позиции послаба. Згора на тоа, во подготовките загуби со 1-3 од Белорусија, противникот од нашата група, кој според рејгингот и квалитетот би требало да е најсличен со Македонија.