Српскиот „Доктор“ за само една минута го заспа ривалот од САД на меч во УФЦ (ВИДЕО)

За него ова беше 11. триумф во кариерата во мешани боречки вештини, а петти во рамките на најпрестижната ММА организација, при што има само три порази. Иако дуелот започна неповолно за него — по десет секунди Медиќ накратко заврши на подот по прецизен удар на противникот — „Докторот“ брзо се исправи и ја презеде контролата. Со серија удари, прво со левата рака, потоа колено и на крај со лево кроше, успеа да го нокаутира Урбина. Американецот падна на подот, а судијата мораше веднаш да ја прекине борбата.

Медиќ сè уште нема борба во кариерата што завршила со одлука на судиите, што говори за неговиот агресивен и атрактивен стил на борење, високо ценет во УФЦ.