Переира со брутален нокаут го одбрани појасот во полутешка категорија (ВИДЕО)

30 јуни 2024 - 10:17

Бразилскиот борец, Алекс Переира го нокаутираше Чехот, Јиржи Прохашка на почетокот на втората рунда.

УФЦ 303 се одржа во ноќта која е зад нас во Лас Вегас, а настанот беше обележан со борбата во полутешка категорија.

Борбата беше завршена со нокаут во втората рунда кога Переира со кружен удар со нога го погоди Прохашка директно во глава и го фрли на под.

Судијата немаше избор освен да ја прекине борбата и да го прогласи Бразилецот за победник. Со оваа победа Переира го задржа шампионскиот појас и докажа дека е најдобар во светот во полутешка категорија. Во кариерата за него ова беше втора победа над Прохошка.