Вајлдер го претепа Херндон за прва победа по речиси три години (ВИДЕО)

28 јуни 2025 - 08:31

Поранешниот светски шампион во тешка категорија, Деонтај Вајлдер ја запиша првата победа по речиси три години, откако славеше со прекин во седмата рунда против Тајрел Херндон.

Американскиот боксер има 39 години, но не се откажува од кариерата иако запиша неколку тешки борби во претходните години, а тоа го покажа во рингот против Херндон.

„Бронзениот бомбардер“ со тешки удари во седмата рунда го натера судијата да го прекине мечот и да го прогласи Вајлдер за победник.

„Ова беше долг пат за мене. Мило ми е што се вратив во рингот. Станувам сè подобар“, кажа Вајлдер.

Фото: EPA PHOTO