Ивановски немоќен против Башиќ во полуфиналето на турнирот во Загреб

28 јуни 2025 - 12:16

Македонскиот тенисер Калин Ивановски не успеа да се избори за финале на турнирот во Загреб, откако денеска беше поразен од Мирза Башиќ со 0-2 во сетови, односно 4-6 и 4-6.

Ивановски по голема борба го загуби петтиот гем на свој сервис (2-3) во првиот сет, по што Башиќ без проблеми сервираше во продолжение и славеше со 6-4.

Во вториот сет двајцата тенисери понудија поголема борба, при што беа забележани три брејка од кои два во корист на Башиќ за на крајот повторно да стигне до 6-4.