Алжирката збесна: Јас сум жена, престанете да ме малтретирате!

10 август 2024 - 13:28

Контроверзната алжирска бокесрка Имане Келиф, која ја обвинуваат дека е маж, го освои златниот медал во категоријата до 66 килограми, победувајќи ја со судиска одлука Јанг Лиу од Кина.

Со тоа стана прва африканска боксерка со олимписка титула, а по финалето им одговори на сите кои десетина дена ѝ вршеа притисоци.

„Жена сум како и секоја друга, родена сум како жена, живеам како жена, се натпреварував како жена и во тоа нема никаков сомнеж. Постојат непријатели на успехот, како што ги нарекувам и тоа на мојот успех му дава посебен успех. Посветете се на олимписките принципи, немојте да ги малтретирате луѓето“, изјави Келиф.

Зад неа е победничка серија од 13 борби, а со освоениот златен медал им одговори на сите критичари.