Поп Арсова го освои 62. место на маратонот од СП во Токио (ВИДЕО)

14 септември 2025 - 09:24

Најдобрата македонска атлетичарка, Адријана Поп Арсова Рашиќ заврши како 62. на маратонската трка во женска конкуренција на Светското првенство во Токио.

Поп Арсова маратонот го истрча со време од 03:01.49, што беше доволно за 62. место од 73 атлетичарки кои ја стартуваа трката.

Трчањето се одвиваше во пеколни временски услови кои нашата атлетичарка успеа да го преброди и да стигне до целта.

За Поп Арсова ова беше трето Светско првенство, претходно настапуваше и во Орегон и Будимпешта.