Србија ќе побара вајлд-карта за СП 2025

13 мај 2024 - 10:32

Ракометарите на Србија триумфираа во реваншот против Шпанија, меѓутоа тоа не беше доволно за пласман на Светското првенство (СП) во 2025 година, па поради тоа нашиот северен сосед ќе се обиде да добие вајлд-карта.

Ракометниот сојуз на Србија најави дека ќе побара специјална покана за настап на СП 2025, откако немаше среќа во баражот.

„Орлите со својата игра и триумфот покажаа дека заслужуваат место меѓу најдобрите репрезентации во светот, а во тоа верува и раководството на Ракометниот сојуз, кој ќе побара вајлд-карта“, соопштија од Србија.