Поранешен играч на Металург стана најплатен ракометар во светот!

Липовина стави потпис на тригодишен договор со Ал Кувајт и ќе заработува 800.000 евра по сезона.

Тоа значи дека 32-годишниот ракометар ќе заработи 2.4 милиони евра за три години.

Со бонуси за титули кои тимовите вообичаено ги даваат, би можел да стигне и до милион евра годишно.

Толку во ракометот не заработуваат ни најголемите играчи. Матијас Гидсел кој неодамна го продолжи договорот со Фуксе Берлин заработува 50.000 евра месечно. Толкави месечни плати имаат и Дика Мем од Барселона и Андреас Волф од Кил, а сега новиот рекорден ќе биде Владан Липовина со месечна плата од речиси 66.600 евра.