Волф ја „спушти ролетната“: Германија ја надигра Норвешка

24 јануари 2026 - 22:05

Еден од најдобрите германски репрезентативци беше голманот Андреас Волф со 22 одбрани, додека Марко Гргиќ постигна седум голови на натпреварот.

Ракометарите на Германија триумфираа со 30-28 против Норвешка и направија голем чекор напред кон полуфинале на Европското првенство (ЕП).

Норвешка го диктираше темпото на стартот на средбата и водеше со 7-3, по што Германците го возвратија ударот и поведоа со 11-10. Големата битка продолжи и до крајот на полувремето при што Норвежаните заминаа на паузата со водство од два гола (17-15).

Германија беше многу подобра екипа во вториот дел, а со серијата од 6-0 успеа да стигне до предност од 26-21, по што Норвешка не успеа да го загрози водството на ривалот и да избегне пораз.

Фото: EPA