Миркуловски се враќа во репрезентацијата по повикот од Лазаров (ФОТО)

19 февруари 2021 - 11:31

Новиот селектор на македонската ракометна репрезентација Кирил Лазаров денеска го објави првиот поширок список на ракометари за претстојните два натпревари со Данска во квалификациите за Европското првенство, а воедно го соопшти и неговиот нов стручен штаб. 

Лазаров, кој ќе го води националниот тим и на теренот и од клупата го врати во репрезентацијата Филип Миркуловски. Искусниот централен бек е ставен на списокот и како играч, но и како еден од помошниците на новиот селектор. 

Во стручниот штаб ќе бидат уште двајца поранешни соиграчи на Лазаров од репрезентацијата, а тоа се Бранислав Ангеловски и Ацо Јоновски. Помошник тренер ќе биде и поранешната репрезентативка Билјана Црвенковска.

Што се однесува до првиот список на селекторот, нема некои поголеми изненадувања помеѓу 35-те имиња. Повик добија стандардните ракометари кои изминатиов период го понесоа целиот товар и настапија на СП во Египет, а тука се и повеќе имиња од домашниот шампионат.