Македонија доби тешка група за ЕП 2026 (ФОТО)

15 мај 2025 - 19:40

Ракометната репрезентација на Македонија по денешната ждрепка во Хернинг, Данска ги дозна противниците за првата фаза од Европското првенство (ЕП), кое ќе се одржи во јануари 2026 година во Шведска, Данска и Норвешка.

Македонија се падна во групата Б каде што во Хернинг ќе се соочи против селекциите на Данска, Португалија и Романија.

Данска важи за една од најмоќните репрезентации во светот, додека Португалија и Романија често играат непредвидливо, па пред македонските ракометари е тежок предизвик.

Првата фаза од натпреварувањето ќе ја поминат само најдобрите две репрезентации од секоја група, што ќе биде дополнителен предизвик за тимовите кои ќе настапат.

ЕП во ракомет е закажано за почетокот на идната година, односно во период од 13 јануари до 1 февруари.