Кадетите ја растурија Бугарија на стартот од Светското училишно првенство во Скопје!

Избраниците на Горан Кузманоски имаа контрола врз натпреварот во текот на сите 60 минути, а клучната предност ја изградија во второто полувреме. По минималната разлика на паузата, македонските ракометари отворија силно и со серија од 4-0 поведоа со 15-9, по што не дозволија противникот да се врати во игра.

Разликата продолжи да расте, па по водството од 18-11, веќе беше јасно во која насока ќе се движи натпреварот. Во 40. минута Македонија за првпат стигна до двоцифрена предност (23-13), со што практично го реши победникот.

Во следното коло, Македонија ќе се соочи со Грузија, а натпреварот е закажан за утре од 10.30 часот во салата „Македонско Сонце“.