Денеска само на „плус“ - Унгарија, Данска и Германија ќе ги полнат мрежите!

25 јануари 2025 - 15:35

Почнувајќи со средбите од втората рунда од прелиминарната фаза на ракометното СП во Хрватска, Данска и Норвешка, „Спорт1“ ќе се обиде да ви помогне повеќе да уживате во возбудувањата од шампионатот со предлог-типови на коментаторите на МТВ, кои во следниот период ќе ви ги пренесуваат возбудувањата од Вараждин каде што игра Македонија.

 

ЈУГОСЛАВ КОСТОВСКИ

КАТАР - УНГАРИЈА 2 и плус голови

Унгарија е пред второ по ред четвртфинале на Мундијалите, откако пред две години беше елиминирана од шампионот Данска. Фаворит е против Катар според повеќе параметри и тешко дека ќе ја пропушти шансата. На единствениот меѓусебен меч со Катар на СП, Унгарците триумфирале со 32-26 во 2019 година.

ЧЕШКА - ДАНСКА Т 2 плус голови

Дека е Данска победник, нема дилема. За да не ризикувате 2 и вкупно голови, зашто Чешка е многу неефикасна, бркајте поголем коефициент со тим 2 плус голови. Данска им даде 39, односно 40 на Швајцарија односно Германија.

ГЕРМАНИЈА - ТУНИС Т1 плус голови

И овде Германија е апсолутен фаворит и како и за Данска сугерирам наместо тип и вкупно голови, плус голови за Германија. Коефициентите се многу слични но мислам дека е ова посигурен тип. Ако Швајцарија му дала 37 гола на Тунис, зошто Германија да не му даде 38.