Вардар и Пелистер дел од новата регионална лига која почнува во Скопје!

26 август 2025 - 12:38

Спортскиот центар „Борис Трајковски“ од 28 до 30 август ќе биде домаќин на првото издание на Регионалната ракометна лига, турнир кој ги обединува клубовите од Македонија, Србија и Црна Гора.

Настанот, организиран од Ракометната федерација на Македонија (РФМ), а со поддршка на Министерството за спорт, има цел да ја зајакне соработката меѓу земјите од регионот и да понуди нови можности за младите спортисти.

„Преку оваа лига сакаме да изградиме мостови меѓу соседните држави и да обезбедиме врвни натпревари за љубителите на ракометот. Се надеваме дека турнирот ќе прерасне во традиција и ќе придонесе за развојот на спортот,“ порачаа од РФМ.

Во машка конкуренција ќе настапат Пелистер, Вардар, Војводина и Ловќен, додека кај дамите силите ќе ги одмерат Ѓорче Петров, Металург, Бор и Будуќност од Подгорица.