Дејан Манасков најдобар стрелец во првиот пост-корона меч за Веспрем!

05 август 2020 - 21:55

Унгарскиот ракометен гигант Веспрем денеска го одигра првиот меч по речиси пет месечната пауза поради пандемијата со коронавирусот, во кој, изненадувачки, загубија во пресметката со Татабања (31-33).

Најефикасен во тимот предводен од Давид Дејвис беше македонскиот репрезентативец, Дејан Манасков, со шест погодоци, еден повеќе од Ненадиќ, а два од Омар и Штрлек. Веспрем во Лигата на шампионите се најде во групата „Б“ со Барселона, Кил, Алборг, Нант, Мотор, Целје и ППД Загреб.

Првиот меч Унгарците ќе го имаат на 16 септември на гостувањето во Франција кај Нант на нашиот Кирил Лазаров.