Турција го прегази Луксембург, Литванија без мака ја реши Грузија

12 март 2023 - 16:36

Турските ракометари го запишаа вториот триумф во квалификациите за Европското првенство (ЕП), откако беа подобри од Луксембург со 31-20, додека Литванија ја совлада Грузија со 35-27.

Турција уште во првото полувреме го реши прашањето за победникот, откако го доби со 17-8, по што во вториот дел продолжи со сигурна игра и славеше со 31-20.

Шевкет Јагмуроглу со седум голови беше најефикасен во победничкиот тим, додека Јосип Илиќ постигна пет погодоци за Луксембург.

Литванија со 35-27 беше подобра од Грузија, а дури 11 погодоци постигна Гердас Барбарскас.