Ракометар на Кил дивјачки удри противник, па по 45 секунди доби - црвен картон (ВИДЕО)

06 септември 2024 - 08:55

Синоќешниот натпревар од ракометната Бундеслига помеѓу Рајн Некар Левен и Кил го одбележа дивјачкиот потег на пивотот на гостите, Патрик Винчек.

Тој беше отстранет од теренот по само 45 секунди игра, откако брутално го удри противничкиот играч, Иван Мартиновиќ. Во еден од првите напади, тој се обиде на скандалозен начин да го запре Хрватот, па судијата беше принуден веднаш да му покаже црвен картон.

На крајот Левен победи со резултат 32-27, а најефикасен во победничкиот тим беше токму Мартиновиќ со 10 голови.