Пелистер во Данска се врати од „минус пет“, но загуби сили за пресврт!

Данскиот тим од самиот почеток тргна подобро и разликата брзо почна да се зголемува, па така домаќините веќе некаде на средината од првото полувреме имаа предност од пет гола (13-8). Не успеаа избраниците на Алушовски премногу да се вратат и во завршницата од овој прв дел, па на одмор имаа негатива од четири гола разлика, ГОГ водеше со 15-11.

Предноста од три-четири гола домашниот состав ја одржуваше до последната четвртина од натпреварот, а тогаш тие 15 минути Пелистер заигра најдобро од стартот на дуелот. Се подобри одбраната, Данците тешко доаѓаа до прилика за гол, а и кога ќе дојдеа Митревски знаеше да блесне со некоја одбрана.

Така Пелистер стигна и до првото водство на шест минути пред крајот кога поведе со 25-24. Сепак, до крајот македонскиот претставник како да загуби сили и не успеа да го одржи истото ниво во последните моменти, Гудме го искористи тоа и повторно поведе.

Пелистер до реми дојде со голот на Видомски на неколку секунди до крајот. Toкму тој беше најефикасен кај Пелистер со седум гола, Граховац и Кузмановски имаа по шест, додека на спротивната страна Оли Митун исто така постигна седум.