Миркуловски не даде гол, ама обезбеди осминафинале со Вецлар

06 октомври 2021 - 21:57

Македонскиот ракометар Филип Миркуловски заедно со Вецлар се пласираше во осминафиналето на германскиот Куп, откако на гостински терен триумфираше против Ајзенах со 29-25.

Миркуловски одигра добар натпревар, но не успеа да се запише во листата на стрелци. Сепак, и покрај тоа Вецлар си обезбеди место во следната фаза.

Таму друштво ќе им прават и Фуксе Берлин, кој беше подобар од Хамбург со 29-28, Мелсунген го победи Битихајм со 30-28, а Кил го растури Оје со 38-26. А место во осминафинале има и за Ерланген, кој го порази Фленсбург со 29-26.