Македонија подобра од Косово: Ќе игра за 5.место на ЕХФ шампионатот

20 јули 2019 - 15:39

Македонската женска ракометна репрезентација до 19 години го совлада Косово со минимални 31-30 во разигрувањето за пласман на ЕХФ шампионатот во Литванија.

Со оваа победа нашите ракометарки си обезбедија натпревар за 5.место на турнирот и тоа против селекцијата на Фарски Острови, која пак беше подобра од Грузија со 31-21. 

Имавме потешкотии со противникот, кој на полувремето имаше водство од 14-12, но во вториот дел се изборивме за триумф. Седлоска со 8 голови беше најефикасна во нашиот табор, пет постигна Динарица, Божиноска и Смајлоска имаа по четири голови. 

Во таборот на Косово, Реџепи одигра неверојатен натпревар и постигна 18 голови. 

Натпреварот против Фарски Острови за 5.место го играме со почеток во 12 часот.