Магдебург го реши Пик Сегед и се пласира на Ф4-турнирот во ЛШ

07 мај 2026 - 20:47

Ракометарите на Магдебург триумфираа во реваншот против Пик Сегед со 45-37 и со вкупни 80-65 си го обезбедија последното место на завршниот турнир во Лигата на шампиони (ЛШ).

Германскиот гигант беше подобар противник на теренот и го доби првото полувреме со 23-19, по што стана јасено дека Пик Сегед ќе има невозможна мисија до крајот да ја анулира негативата. До крајот на средбата домаќинот дополнително го зголеми водството и стигна до 45-37.

Најефикасен во победничкиот тим беше Магнусон со осум голови, додека Смарасон запиша седум голови за Пик Сегед.

На Ф4 во ЛШ веќе своето место го обезбедија и тимовите на Фуксе Берлин, Барселона и Алборг.