Маестро Лазаров со „бомба“ на секунди до крајот му донесе голем бод на Нант (ВИДЕО)
Неговиот погодок потоа беше зачинет со одлична одбрана на голманот на францускиот тим, како дополна на одличниот впечаток. Нант лесно можеше и до целиот плен, со оглед што водеше во поголемиот дел од средбата, на момент и со плус четири (24-20), но на крајот мораше на сцена да стапи 41-годишниот ветеран.
Македонецот настапи само во второто полувреме, но тоа не го спречи средбата да ја заврши со пет голови и три асистенции, меѓу кои и најважниот за избегнување пораз на жешкиот терен во Данска. Нант и ГОГ сега имаат по седум бодови на втората и третата позиција во групата Б, со еден бод помалку од лидерот Лемго, кој исто така вечерва го совлада Чеховски Медведи (30-27).