ГОГ ја шокира Висла Плоцк и му избега на Пелистер!

04 декември 2025 - 20:50

Ракометарите на ГОГ Гудме успеаја да направат изненадување во 10. коло од Лигата на шампиони (ЛШ), откако ја шокираа Висла Плоцк со 35-34 и така освоија нови два бода со кои му избегаа на Пелистер.

Голема борба се водеше меѓу Висла Плоцк и ГОГ уште од самиот старт на натпреварот, а данскиот тим го доби првото полувреме со 16-14, додека на крајот триумфира со еден гол разлика (35-34).

ГОГ со оваа победа стигна до осум бодови, односно четири повеќе од Пелистер, со кој е еден од директните ривали во борбата за место во плејофот.

Пелистер се наоѓа на претпоследната позиција во групата Б со четири поени, додека пред него се наоѓа ПСЖ со шест бода.

На останатите натпревари Колштад го совлада Фуксе Берлин со 28-24, додека Веспрем триумфира над Спортинг со 32-31.

Фото: Facebook/GOG