Данска ја нокаутира Германија и остана во игра за полуфинале на ЕП

07 декември 2024 - 19:43

Ракометарките на Данска триумфираа со 30-22 против Германија во втората фаза од Европското првенство (ЕП) и останаа во игра за полуфинале.

Данска подобро го отвори мечот и поведе со 6-3, но потоа Германија влезе во одлична серија и го сврте дуелот во своја корист (9-8). Големата борба продолжи и во последните минути од првото полувреме, кое ѝ припадна на Данска со 15-13.

Германија повторно го возврати ударот на стартот на вториот дел (18-17), но веднаш потоа почнаа проблемите во нападот и одбраната, а Данска знаеше како да го искористи за да слави со убедливи 30-22.

Најдобри во селекцијата на Данска беа Јенсен и Хаген со по шест голови, додека Лиза Антл запиша шест погодоци за Германија.