Бомба за историја: Џинот Криштопанс со гол за паметење се „отпиша“ од Скопје! (ВИДЕО)

25 април 2019 - 21:52

Со осум погодока, кој од кој поважен, џинот Криштопанс беше сигурно централната фигура во вечерашната победа на Вардар над Пик Сегед (31-23) со која направи огромен исчекор кон фајналфор-турнирот во Келн.

Летонецот со ретко видена бомба од девет метри стави крај на приказната, а неговиот погодок со звукот на сирената можеби ќе биде и последниот кој овој шампионски состав на Вардар го постигнал во „Јане Сандански“ во вака важен меч од Лигата на шампионите. Уживајте во магијата на 215-сантиметри високиот бек на црвено-црните.