Вардар со врамени дресови ги испрати Талески и Моралес на печалба (ФОТО)

27 мај 2023 - 19:16

Најтрофејниот македонски ракометен клуб Вардар, кој сезонава ја загуби битката за титулата со Пелистер и ја прекина безмалку децениската доминација во Македонија, се збогува попладнево од двајца свои клучни ракометари на последниот меч со Алкалоид во СЦ „Јане Сандански“.

Левиот бек и репрезентативец Филип Талески и десниот бек Куни Моралес денеска го играат последниот меч во црвено-црниот дрес и заминуваат на печалба, па Вардар со врамени дресови им се заблагодари за придонесот во дресот на најголемиот македонски клуб.

Талески заминува на печалба во Бенфика, додека Моралес уште пред еден месец официјално се договори со ППД Загреб и им се придружува на екс-вардарците Иван Чупиќ и Тимур Дибиров во хрватската престолнина.