Вардар Неготино убедливо поразен на гости кај Пелистер

18 ноември 2023 - 18:42

Македонскиот шампион Пелистер запиша уште една победа во ракометната Суперлига, откако денеска беше подобар од Вардар Неготино со убедливи 38-14.

Гостите од Неготино играа добро само на стартот, кога Пелистер имаше водство од 8-7, но потоа битолчани влегоа во страшна серија и го најавија високиот триумф.

Вардар Неготино беше немоќен и во второто полувреме и на крајот Пелистер оствари победа од 38-14.

Атанасијевиќ постигна 14 голови за Пелистер, додека осум погодоци запиша Костески.