РФМ со опомена кон Лазаров, поради црвениот картон со Пелистер

05 јуни 2025 - 16:48

Тренерот на Алкалоид, Кирил Лазаров доби црвен картон во дербито против Пелистер, по што жестоко реагираше и мораше да го смируваат неговите ракометари, а денеска Ракометната федерација на Македонија (РФМ) му изрече опомена.

Дисциплинската комисија на РФМ донесе одлука и му изрече опомена на селекторот на Македонија и тренер на Алкалоид поради црвениот картон добиен во 41. минута од дербито во Автокоманда.

Лазаров беше нервозен поради одлуката на судијата, па испрати остри зборови кон арбитарот како што можеше да се забележи во преносот.