Охрид на големо се засилува за следната сезона – купи и Словенец од Бундеслигата!

Овој трансфер доаѓа како дел од реконструкцијата на тимот што веќе ја спроведува новиот тренер Борис Ројевиќ. Стрмљан е 29-годишен организатор на играта и повремен словенечки репрезентативец, беше дел од тимот што во 2024 година беше блиску до олимписки медал. Втора сезона настапува во Бундеслигата со Хановер, клуб што моментално е на третото место во најсилната лига во светот.

Тој претходно се истакна во Целје Пивоварна Лашко со одлични настапи во Лигата на шампионите, а претходно настапуваше за словенечките клубови Рибница, Херц Шмартно и Рудар Трбовље. Охридскиот клуб најавува дека во наредните недели ќе продолжи со засилувања за да изгради уште поквалитетен состав.