Охрид ќе го брани трофејот на свој терен, објавен е распоредот за турнирот „Крсте Андоновски“

Денеска е познат и комплетниот распоред на натпреварите, а на турнирот ќе настапат две македонски екипи и тоа Вардар и Охрид кој ќе го брани трофејот освоен минатата година.

Вардар е сместен во групата „Б“ каде што ќе ги одмери силите со Нексе, Олимпијакос и Тимо Требње. Домаќинот Охрид пак во „А“ групата ќе се соочи со Војводина, Загреб и селекцијата на Египет до 20 години.

Натпреварите ќе се играат од вторник до сабота за кога е закажано финалето и дуелите во разигрувањето.