Довчерашен играч на Алкалоид е најново засилување за Охрид

11 јуни 2025 - 09:24

Амбициозниот охридски ракометен прволигаш продолжува со склопувањето на тимот за новата сезона во која има намера да се вмеша во борбата за трофеите и да им пркоси на Вардар, Пелистер и Алкалоид.

Нов играч на Охрид е повремениот македонски репрезентативец Давид Савревски кој треба да биде алтернатива на десната бековска позиција. Има 22 години, а веќе долго прволигашко искуство, настапувајќи за Алкалоид, каде играше претходните три сезони и за Вардар.

Во неговата биографија засекогаш ќе остане титулата од ЕХФ Европскиот куп во кој триумфираше со Алкалоид, а Савревски учествуваше со четири постигнати голови.