Денис Тот бил претепан во скопски ноќен клуб, снимките - избришани!

08 април 2022 - 09:11

Нема многу нови сознанија за здравствената состојба на Денис Тот како и за причините за инцидентот во кој бил претепан, но според хрватските медиуми, тој се случил во скопски ноќен клуб.

Официјална потврда се уште нема, но според анонимни извори Тот бил нападнат ноќта среда кон четврток

„Тоа се случило во ноќниот клуб 'Привилиџ', а снимките од инцидентот се избришани. Некој знае што прави“, објави „Вечерњи лист“ изјава од анонимен извор, наводно, близок до случувањата таа вечер.

Инцидентот го потврди и помладиот брат на Денис Тот, Борис, кој исто така е ракометар, поточно голман во холандското првенство. Родителите на Хрватот веќе биле во Скопје и се трага по мотивите за нападот врз него. Неофицијално, бил претепан со тврди, тапи предмети, кои му предизвикале скршеници и тешки повреди. Во моментов се уште бил во кома.

Денис Тот има 27 години и настапува во Бутел, откако минатото лето направи трансфер од екипата на Охрид, каде што помина две сезони. Има настапувано во шпанскиот Адемар Леон, а потекнува од Ѓаково.