Бутел го реши Тиквеш и се пласира во плејофот на Суперлигата

21 февруари 2026 - 18:41

Ракометарите на скопската екипа Бутел триумфираа со 33-25 против Тиквеш и се пласираа во плејофот на македонската Суперлига.

Првото полувреме понуди голема борба на паркетот и предност од три голови на Бутел (17-14), по што во вториот дел скопскиот тим ја презема контролата.

Кавадарчани не успеаја да одговорат на нападите на Бутел, кој на крајот славеше со 33-25.

Најефикасен во победничкиот тим беше Дејан Михајловиќ со седум голови, додека Димитар Коцев запиша осум погодоци за Тиквеш.