Алкалоид го уништи Куманово, гостите дадоа само три гола во второто полувреме!

30 ноември 2023 - 21:55

Вицешампионот на Македонија, Алкалоид ја продолжи победничката серија со 13. триумф во низа од почетокот на сезоната, совладувајќи го Куманово со 29-12.

Првото полувреме покажа дека Алкалоид е подобар тим, но на крајот водеше само со 14-9, а  клучната предност ја направи во вторите 30 минути. Во нив, кумановци постигнаа само три гола, па тимот од Автокоманда стигна до убедливата победа.

Интересно е тоа што еден од двајцата најефикасни играчи во тимот на Алкалоид беше 15-годишниот Максим Гарбески кој постигна шест гола, исто колку и Давид Савревски. Двајцата заедно постигнаа колку целиот тим на Куманово вкупно.