Тричковски спектакуларно ја отвори 2020 година со - четири гола на Етникос (ВИДЕО)

11 јануари 2020 - 20:42

Македонскиот репрезентативец, Иван Тричковски, на феноменален начин ја отвори 2020 година, откако на денешниот дуел против Етникос постигна четири гола за победа на АЕК Ларнака од 5-2.

Инаку, ова воедно беше и македонско дерби во кипарското првенство, бидејќи на спротивната страна беа голманот Мартин Богатинов, Јован Костовски и Бојан Маркоски, а токму Костовски беше стрелец на еден од двата гола за домаќините.

И двете екипи играат лошо оваа сезона во домашното првенство, а најдобар доказ за тоа е што моментно се наоѓаат во плеј-аут зоната. АЕК Ларнака е седма со 22 бода, 11 помалку од лидерот Анортозис, додека Етникос е 10-ти со 13 бодови.