Трикратен НФЛ-шампион обвинет за силување!

22 април 2025 - 09:53

Членот на „Куќата на славните“ во НФЛ, како и поранешен спортист, Шенон Шарп е обвинет за сексуален напад и силување, а тужбата против него ја поднела поранешната партнерка во неделата.

Жената вели дека го запознала Шарп во теретана во Лос Анџелес во 2023 година кога имала 22 години. Тие двајца биле две години во љубовна врска, а таа сега тврди дека бившиот спортист ја силувал.

„Жена може да се согласи на секс со маж и 99 пати да каже ‘да’. Но, кога еднаш ќе каже ‘не’, тогаш тоа значи ‘не’“, се вели во обвинението.

Девојката, исто така, вели дека Шарп ѝ се заканувал дека ќе ја убие.